وش تبي بالجرح

وش تبي بالجرح جعله مايجيـك

وش تبي به وش تبي به يالظنين

صاحبي وان كان هاقي نرتجيـك

فوالله ان تبطي ويبطي ماتبيـن

دام بعت اللي من اول مشتريـك

وصرتي معه بكل حرفٍ تلعبيـن

قلبه اللي بكل شـوق ٍ مهتويـك

راح وصدّر منك صدّار القطيـن

وعزتي للحظ دامه طـاح فيـك

غلطتي في العمر يالجرح الدفين

غلطتي مادام واثق بـك وابيـك

وانا وسط القلب جيز العابريـن

مايهمك لو تشوف انـي دريـك

والمطاح اللي بكم مابيـن بيـن

بين نار وبين شوق ٍ محتويـك

نار بعدك والصدود اللـي يبيـن

بان فيك وواضح ٍ فـي مقلتيـك

وليت عذرك ليت ياليته سميـن

والله اني ماهقيت بقـول ذيـك

وكنت احسب انك علي ماتبخلين

حسرتي ياوقتي اللـي احتريـك

ناشفٍ ريقي وامسّـح فاالجبيـن

ومن كثر مااطلبك صاير انتخيك

نخوة اللي طاح بيـن مقاتليـن

كيف تذخر تذخر المـد أبيديـك

ومن بخل باالقلّ مامـد اليديـن

كيف ذل الوقت وميلنـي عليـك

وقبل عِرفك كان لي قلبٍ رزيـن

الجوري

كل يجميل من عذب الكلام ياتي من اناملك

يعطيك العافيه على كل جديد

تقبلي مروي

محروم الحياة

تسلم ويعطيك العافيه محروم الحياه

أبــــــــــــداع
أبــــــــــــداع في أبــــــــــــــداع
تسلم يمينك
ذوق
ياكل الذوووق
فديت قـلبكـ ياغلاهم
يالبى قلبكـ يالغلا

تحيااااتي
هـــدوء القمـــر