قالت قصيمي

قالت قصيمي قلت فخر ومعزة
أهل الفخر والعلم والحلم والباس

قالت قصيمي قصدها تهزة
ماتدرى انى بفتخر ورفع الراس

الحمدلله روسنا دوم رزة
اللى خلقنا بس نحنى له الراس

صافى نسبنا والحسب فيه عزة
أصل اصيل وفصل والعرق دساس

أهل الوفاء والدين صافى منزه
عن كل ماشاب العقيده من الأدلاس

حنا العقيلات انشدى رجال غزه
حنا هل الدين ولدين حراس

حنا سنايد نجد فى كل حزه
لا خانت حلوق الرجاجيل الأنفاس

حنا جبال يعجز الريح هزه
حنا لنجد حزام وعصابة الراس

نارد حياض المرجلات ونلزه
مانمشى دروب الرذيله ولأدناس

من يغلط علينا لسانه نجزه
واللى يحقر قدر الرجاجيل ينداس

منا العدو تكفيه بالعين خزه
يقضى عليه الخوف من كل هوجاس

من ذكرنا فى قلبه تثور نزه
من طارى القصمان يبلاه وسواس

نومه كوابيس وروعه وفزه
دقت نواقيس الخطر له ولأجراس

مايدرى انه للمهالك يدزه
عجل على مبناه يمحى من اساس

يا بنت حنا من نخانا نعزه
يأمن بنا الملهوف وتهابنا الناس

مرسولنا للخير دايم نكزه
ولصرخة المحتاج نرخى الأكياس

تاريخنا مجد لبناه بزه
نمشى وسط السوق ماندحم الساس

لك ماتركنا كياس الأمجاد ومزه
واجد عليك ومثلك حتالة الكاس

وش جاب حر الطير لفريخ وزه
منهو يساوى جوهر الماس بنحاس

لاتحسبين انك لنا مستفزه
وش ياخذ الباعوض من ريش قرناس

*
**


أتمنى أن تنال أستحسانكم ..

ولكم أرق الأمنيات والتحايا ..

الحمدلله روسنا دوم رزة
اللى خلقنا بس نحنى له الرس

اختي الجوري



تسلمي على كل ماتكتبه من جميل الكلام







تقبلي مروري




محروم الحياة