اعجبتني للشاعر طلال السعيد

ياللي زعلت ازعل ماني مراضيك
أشرب كدر ماي البحر كانه أرضـاك
بأعز نفسي عنك مـدراك مــدراك
راضي بتعذيبك لأجل قلبٍ أغلاك
وأدوس قلبي لينه يقول خلاك
ليمن يقال فلان هانـك و ورآك
وأنسى الغرام اللي مضى وأتحداك
الله يحرمك كل ما كان هنــاك
فوق الغرور اللي عن الماضي أعماك
حيثك تجاهل صوت محــروم نـاداك
لـينك تنـدم ليـه غـيرت ممشــاك
يلقى بها الفرصة عدوك ويشناك
يصبح عليها الصبح ويموت طريـاك
آمين حتى اللي تمناه يجفـــاك
وأمـك تشـق الجيب من عظم بلـواك
نـار الـجحيم ونـار دنياك تصـلاك
غشـاش خـاين من من الناس دانـاك
أمسـك ويـومـك عنهم الغد يجـزاك
ياللي زعلت إزعل ولاني مراضـيك
لا تحسب أني عقب صدك بداريـك
أربع سنين وأنا متحمل تغليك
وخليتني واليوم والله لأخــليك
قبل توريني الحساير بأوريــك
كأنك تحداني فأنا أقبـل تحـديك
ماني بقايل لك عسى الله يهنيـك
عسى العمى ياخين العهد يعميـك
وعسـاك ما تسمـع قريب يناديـك
وعسى الشلل يعوق رجلٍ تمشيك
وعسى حياتك بس فرحة لشانيك
وعسى الليالي اللي تجيني بطاريك
وعسى المنام وكل راحة تجافيــك
وعساك ما تفرح وتكثر بـلاويـك
وإلى مت جعلك في جهنم تصاليـك
الله يكـره فـيك حـتى دوانيــك
هذه النهايـة روح والله يجازيــك



الشاعر طلال السعيد