لبيه ياللي وحـدك إن قلـت لبيـه
يذبحني لبيهك ويذبحنـي الصـوت
وإن طاح قلبي ميـت ٍ فيـك خليـه
ياحي قلب ٍ طاح وياحيـه المـوت
ماقلت أحبـك لجـل وقتـي أسليـه
لا لا والذي نجى نبيه مـن الحـوت
والحب لو هو سـر وأقـدر أخبيـه
ماقلت أحبك حتى وشفاهي سكـوت
لي ناظر ٍ ماغيـر شخصـك يملّيـه
كنك دواي وشوفتك طـب منعـوت
وإن ضاق بالي أذكر اسمك واغنيـه
واتخيلك عل وعسى طيفـك يفـوت
أهواك وهمي كيـف قلبـك أهنيـه
من كثر ما اسمك في هالقلب منحوت
حتى الخطا لو جاني منـك أمشيـه
وإن ما مشى أخلق له أعذار وثبوت
ويش الذي يخطر في بالك واسويـه
لو حتى في وسط البحر أبني بيوت
ياللي البحر لو جا في بالك تحليـه
مريت صوبه وامتلا سكـر وتـوت
لبيه لبيه ياللي لـو طلبنـي ألبيـه
للعاصمه حافي ولو دربـه خبـوت
لين أندهـك يافـلان وتقـول لبيـه
وأطيح من طولي و يذبحني الصوت
للشاعر/ انور المشيري
موضوع: لبيـــــــــه 
الأربعاء 1 يوليو - 18:46
